Gobierno Vasco

    

 

  

 

 


 

IKASTAROEN ZERRENDA ikusi          

LH DUALAaren aurkezpena 1.mailako ikasleei

2018/01/26

Pasa den urtarrilaren 25ean, Miguel Altuna Lanbide Heziketako aretoan aurkeztu zen Lanbide Heziketa DUALa. Hitzaldian 1.mailako ikasle guztiak egon ziren eta arreta handiz entzun zituzten LH DUALaren ezaugarriak.

Esan beharra dago, une honetan 44 ikasle ditugula DUAL ereduaz ikasketak lanarekin txandakatzen, eta horietako 42 ikasle, Goi-Mailako ziklo bat egiten ari direla. 

BALOREAK 4.0: Erantzukizun Sozial Korporatiboaren inguruko Master Class-a

2018/01/24

Baloreak 4.0 proiektua lantzen jarraitzen dugu eta gaur Goizperreko Mikel Irizarren, Erantzunkizun Sozial Korporatiboaren inguruko Master Class-a izan dugu. Plazerra!

Forjaketa Espezializazio Programako ikasleak Fagor Arrasaten

2018/01/24

Pasa den urtarrilaren 19an, Forjaketa Espezializazio Programako ikasleak Markinan kokatuta dagoen Fagor Arrasate enpresa bisitatzen izan ziren. Eskerrik asko egindako harrera eta azalpenengatik!

Miguel Altunak INSPIRA MANIFESTUArekin bat egin du

2018/01/23

Miguel Altunak INSPIRA manifestuarekin bat egin du, neskei eta emakumeei zientziaren eta teknologiaren esparruak zabaltzeko helburuarekin.

Mundu global eta askotarikoan bizi gara, berdintasuna arlo askotan lortu gabe dagoen batean. Arduratu eta kezkatzen gaituen gai bat generoaren eta teknologiaren arteko etena da.

Frogatuta dago emakume gutxiagok aukeratzen dituztela lanbide teknologikoak, emakume gutxiagok egiten dutela lan mundu zientifiko eta teknikoan, garrantzi gutxiagoko postuetara heltzen direla emakumeak eta garrantzi eta maila bereko postuetan soldata baxuagoak jasotzen dituztela.

Horiek guztiak ez dira gertatzen gustu eskasagoa, gaitasun apalagoa, bokazio urriagoa edo jarduera maila apalagoa dutelako. Gizarte, kultura eta hezkuntza faktoreek ahalduntzen, aitortzen eta sustatzen dituzte emakumeak gizonak baino maila txikiagoan. Hezkuntza eta gizartea eraikitzeko erabiltzen ditugun estereotipoek, sozializazio prozesuek, genero rolek, ezkutuko matxismoek sinestarazten digute emakumeak ez direla hain gai eta horiek eragiten dute emakumeek aintzatespen txikiagoa izatea gizarte eta ekonomia mailan.

Errealitate hori aldatu egin daiteke, ordea, eta egitea garrantzizkoa da. Asko dugu jokoan. Eta gizarte osoari dagokigu lan hori, gizartea osatzen dugun pertsona eta erakunde guztioi. Sinatu dugun adierazpen hau konpromiso bat da. Adierazpen honekin bat egiten duten pertsona eta erakundeek, emakumeen eta gizonen berdintasunaren alde, zientziaren eta teknologiaren esparruan aktiboki lan egiteko konpromisoa hartzen dute.

Euskal Lanbide Heziketa Suediarentzat eredu

2018/01/18

Suediako Goi-mailako Lanbide Heziketako arduradunek Euskadi bisitatu dute Euskadiko LHak diseinaturiko ereduak eta sistemak ezagutzeko eta sistema hauek euskal ikastetxeetan nola aplikatzen diren jakiteko, etengabeko hobekuntza kudeatzeko eta zerbitzuen kalitatea bermatzeko helburuarekin. 

Suediar ordezkaritza oso interesatua agertu da ikusitako praktikengatik eta euren zentroetan euskal kalitate eta kudeaketa sistemak aplikatzeko aukera ez dute baztertzen.

 

Bizikasi: BITARTEKARITZA ZERBITZUA

Debagoieneko formazio eskaintzaren informazioa zure esku.

© maltuna
Telefonoa: 943762491 | Telefonoa: 943763840 | Fax: 943763841 | imaltuna@saremail.com