San Juan Bosco egun borobila

Pasa den ostiralean ospatu genuen urtarrilero bezala Lanbide Heziketaren patroia, eta ospakizuna bikain joan zen. Jokoak, bazkaria, ikasle taldeak emandako kontzertua... Erremate modura txaranga eta guzti egin genuen kalejira herrian zehar, eguraldiak ere errespetatu zuelarik jaia!

MAIko MAIATZ proiektua saritua izan da MECek emandako Kalitate eta Berrikutza Sarietan

Jasotako saria hirugarren sarietako bat da, Hotzeko Estanpazioaren alorrean ikastetxeak egindako lana aitortzen delarik. Sari banaketa Madrilen ospatu zen Abenduaren 19an, eta bertan ikastetxeko zuzendari-orde den Iosune Irazabal eta estanpazio alorreko Unai Ziarsolo egon ziren saria jasotzen.

Eman diren sarien berri honako helbidean: http://todofp.es/todofp/premios-calidad-e-innovacion.html

Zorionak guztioi!

Estatu mailan elkarlanean proiektuak burutzeko dirulaguntzen inguruko erabakia albiste 

Dirulaguntza hauen inguruko prozesua aurtengo udaberrian jarri zuen martxan lehendabiziko aldiz Hezkuntza Ministerioak, eta Lanbide Heziketan berrikuntza aplikatua eta ezagutzaren transferentzia bultzatzea dute helburu.

Hautatutako proiektuen inguruko informazioa BOEan argitaratu berri da. Hona hemen linka.

Esan beharra dago Miguel Altuna Institutua zorioneko izan dela, partaide edo proiektu gidari gisa aurkeztutako proiektuek onespen maila altua izan dutelako.

Honatx onartutako proiektuen artetik gure partaidetza dutenak:

- ROBOTIZATUTAKO ZELULA

- IKUSPEN ARTIFIZIALAREN APLIKAZIO PRAKTIKOA EGUNGO PROZESUEN KONTROLEAN

- LH-N SPIN-OFF SORRERARAKO METODOA HONDAKIN PLASTIKOEN BERRESKURAPEN ETA APLIKAZIOEN AZTERKETAREN BIDEZ

- MEKATRONIKA AURRERATUA

- DESIGNET. INDUSTRI DISEINUA SAREAN

- MECHANICAL DESIGN MANUFACTURING

- SISTEMA MEKANIKOEN MUNTAI ETA MANTENURAKO PRAKTIKEN GARAPENERAKO PROTOTIPOAREN DISEINU ETA FABRIKAZIO PROIEKTUAREN TRANSFERENTZIA